يامهون...هونها علينا
ثورتنا ...قامت بايدينا
وبلدنا...ماهى غاليه علينا
وعشانها...قومنا وضحينا
وخرجنا...نساند بعضينا
وأرواحنا...على كف ايدينا
ده ترابها... نفديه بعنينا
فى ميدانها...وقفنا احتجينا
فى شارعها...قومنا وصلينا
وعشانها... من القلب دعينا
يارب تحقق أمانينا
فى صعيدها...وفى بحرى وسينا
ده الشعب المصرى وأهالينا
صرخوا من الظلم اللى أذينا
يارب تحقق أمانينا
وماضاع حق ورائه مطالب
وأهو ربنا حقق المطالب
مسكوا الظالم واللى خاربها
ماهو كله لازم يتحاسب
أنا فرحان وهاموت من الفرحه
بلدى بتتغير بايديا
بس على الله تدوم الفرحه
وتعيش مصر بلدنا قويه
شهدائنا الابرار فى الجنه
وهانفضل ندعى ونتمنى
يارحمن ارحم شهدائنا
ماهو دول ماتوا يارب علشانا
يارب تبارك فى شبابنا
وتديم الأفراح على بابنا
وأنصرنا على من يعادينا
يارب تحقق أمانينا
يارب تحقق أمانينا
الاشتراك في:
تعليقات الرسالة (Atom)
ياااااارب :)
ردحذفجميله اوي الكلمات
تسلم ايديك :)