عجبى...

أبوس ايدك يا حزن تبعد شويه..
وسيبنى ثوانى أحس بفرحه جايه..
أعيشها وأحس بيها وهاتلاقينى..
أجيك وأنده عليك ما انت اللى ليا..
وعجبى

عجبى...

يارب كل الناس تكون عايشه فى سعاده..
يارب خلى الحب جوه قلوبنا بزياده..
يارب وقت الضيق ألاقى صديق يجينى..
يزيح عنى ويسقينى الحنان سكر زياده..
وعجبى

انتظار...

بحبك نفسى أقولك نفسى أعبر عن اللى جوايا
بحبك عايز أبوح لك عايز أقول أسرارى فى هوايا
لكن يبعدنى عنك حبك لواحد غيرى
لو قلت فى يوم أقولك يزعل منى ضميرى
وانا كل منايا انتى وبس يا أغلى الناس
خايف لحبى ليكى يتحس مابين الناس
ما أنا بحبك وعلى نفسى باعترف
خايف لحبى ليكى يظهر ويتعرف
وتاخدى على خاطرك منى
وتبعدى نفسك عنى
وانا ماقدرش يوم يعدى
من غير ما أشوفك يا حبيبتى
ده أنا قلبى سابنى وراح معاكى .... يتهنى بيكى وبقربك
وكل ما أتقابل وياكى ...... تحكيلى عن حاله حبك
بتعذبينى من غير ماتشعرى ولا تدرى
وأجى أمشى تقوليلى ليه لسه بدرى
عايزانى أسمع تانى ايه؟
حبيبتى بتحب غيرى ليه؟
مش عايز أسمع
مش قادر أسمع
هو انتى يعنى هاتقولى ايه؟
هاتحكى عنه...... عن حياتك وعن حياته
هاتحكى عنه...... وذكرياتك وذكرياته
وكل أمنياتك طبعا هى أمنياته
وأنا قاعد اسمع كل كلمه بتقوليها
قاعد أسمع كل كلمه حب تردديها
والدمع يجرى غصب عنى من عنيا
ده انا حبى ليكى شىء ماهواش بين ايديا
وألتفت وبسرعه أخبى دمعتى عنك وأدارى
خايف تحسى باللى جوه فى قلبى ولهيبى ونارى
وفى أخر الحكايه........ لا أخرها ايه؟
دى هى دى البدايه....... طب لسه ايه؟!!
لسه هاشوفها تانى وتحكيلى عن حبيبها
تحكيلى انه جالها وفى يوم قرر يسيبها
أو حتى هى تسيبه لازم ماهو ده نصيبها
ساعتها بس هاقدر أقول كل اللى جوايا
ساعتها بس هايزيد فى قلبى فرحى وهنايا
وأدينى قاعد وحيد وفاضى
عايش حياتى سعيد وراضى
لحد ماييجى يوم عارفه وباستناه
هاتيجى وتقولى فيه كل اللى باتمناه

قصه ابكت أسامه بن لادن حتى أغمى عليه..

قصه قريتها باحد المنتديات وحبيت انقلها لكم.....

كان أسامة بن لادن يوماً من الأيام يجهز الخطط ويدرس الوضع فإذا بشاب يحضر له جهاز كمبيوتر محمول ، فقال : ياشيخ إني أريد أن أريك شيئاً ...فيقول صاحب القصة : فسكت الجميع كلهم ينظرون إليه ماذا يقول ، فقال أرني إياه ، ولكن كعادته ، فقد كان لديه إحساس غريب بأي شيء جديد فكان وجهه قد بدأ بالتغير ، فقام هذا الشاب فشغل الجهاز وبينما كان الجهاز يعمل ويُحَمّل كان وجه أسامة يزداد تغيرا حتى اصبح الجهاز جاهزاً للعمل ، فضغط ذلك الشاب على ملف فيديو ، وجعل الصوت عالياً ، فإذا أول الملف صورة طفل صغير تعلو وجهه البراءة الطفولية التي يتأثر بها كل مؤمن ، وإذا بذلك الطفل الصغير يلبس كوفية فلسطينية ، ويرفع صورة ابن لادن والتي ظهرت في الشريط وهو يرفع إصبعه فيها ، وأخذ الطفل يتحدث بصوت مرتفع و يبكي بكاء يقطع القلوب فيقول : أين وعدك يا أسامة ، ثم يكرر : أين وعدك يا أسامة ،
فما كان من أسامة بن لادن إلا أن بكى وسُمع له نشيج كنشيج باكٍ على من فقد أحب الناس إلى قلبه حتى أشفقنا عليه ، فأخذ يقول بصوت مرتفع : وماذا تريد من أسامة أن يفعل وقد اجتمع العالم كله عليه ، فمازال يكررها حتى اخضبت لحيته بدموعه ، وأشفقنا عليه فأبكانا معه حتى كان للمجلس عويل كعويل أمٍّ فجعت بفقد ولدها الوحيد وقد أخذنا االغضب من هذا الأخ الذي أحضر الجهاز ، وعاتبناه بنظراتنا على ما فعله معه ، وماهي إلا لحظات حتى سقط مغشياً عليه ، وحُمل إلى بيته وقد أخذ منه البكاء مأخذه ، فمرض ثلاثة أيام وكلما استيقظ تذكر صورة ذلك الصبي الذي يبكي فبكى وسمع نشيجه .يقول صاحب هذه القصة : إني والله لا أتذكر من خلال هذه القصة إلا مواقف عمر التي كان يمرض فيها من خلال قراءة أية أو موقف مؤثر.

صاحب هذه القصة أحد أصحاب أسامة بن لادن الذين عاشروه في كهوف تورا بورا

قول يا مغنواتى..

قول يا مغنواتى قول وسمعنا
سمعنا غنوة ألم وندم ومتعنا
سمعنا حاجه جديده لسه مااتقالتش
خلصنا يابنى قول ...ودلعنا

نفسى أسألك سؤال قبل ماتغنى
انت بتغنى علينا ولا لينا ولا بتغنى
على نفسك واسمك لينا بتغنى
ياعم زهقنا منك وانت برده .. بتغنى

احساس غريب

مافضلش غير حبه حاجات جوايا
احساس بظلم عايش معايا
احساس غريب
احساس مريب
حسيته امتى وازاى وليه؟
معرفش بس اتعودت عليه
من صغرى عايش طفوله قاسيه
حاسس كأنى فى سفينه راسيه
حالفه برحمه قبطان قديم
ماتمشى يوم وتسيب مكانها
وعايزه قلبى يكون رحيم
وأكبر وأسوقها مابين جيرانها
وأهو..كبرت جوه السفينه
بس الرياح قاسيه وحزينه
رياح غدر وخيانه ..... رياح خايفه وجبانه
وأنا زيها خايف جبان
عايش فى زل .. عايش مهان
عايش وجوه فى قلبى حاسس بانكسار
عايش كأنى فى ليل ماطلعلوش نهار
والرحمه ماتت جوه قلبى من زمان
وأدى السفينه واقفه وراسيه فى المكان
عشمك عليا يا سفينه طلع فاشوش
خليكى واقفه مستنيه واحد ما أعرفوش
ييجى يشدك من مكانك يوصلك بر الامان
ويصحى جوايا المشاعر اللى ماتت من زمان
وأمانى نفسى فى يوم أشوفها متحققه
لسفينه راسيه مكانها واقفه مشققه
عارفين مين السفينه..
واللى دايما حزينه..
هى بلدى وبلدك
هى أرضى وأرضك
هى عرضى وعرضك

بلدى اللى مظلومه ومشنوقه
بلدى اللى غلبانه ومخنوقه
بلدى اللى مهدور دمها ومتخانه
بلدى اللى مفروض تبقى بينا أمانه
ضاعت حقوقك يابلد
ضاعت ومات فيكى الولد
ولدك.. بطل أحلامنا
هاييجى يمحى ألامنا
مات الولد يا خوانا
مات حتى قبل ما يتولد
مات يابلد .. مات يابلد
وأهى دى حكايتى
ودى حكايه كل شاب عايش فى بلدى
عايش حزين عليها ومش قادر يصلحها
نفسه يحركها خطوه من مطرحها
نفسه يريح نفسه بس مش قادر......
يريحها.

يا دنيا...

يا دنيا ليه الأسيه ليه العذاب والنار
يا دنيا صبرك عليا ده انا بانكوى بالنار
والحزن علم فى قلبى مانا حزنى ليل ونهار
لو جيت أفكر فى حاجه ألاقى عقلى احتار
دورت على الحب قلبى ماعرفش يوم يختار
دايما نعيب فى الزمن ونقول عليه غدار
والعيب ده والله فينا علشانا مش أحرار
دايما نقول على نفسنا جدعان قوى وشطار
واحنا فى حبسه وكبت وماعندناش اصرار
حطين ايدينا فى كلبش مفتاحه مرمى فى نار
وعقولنا لاغينها خالص وحياتنا مره مرار
طعم الحياه مر علقم وده كله أخره انهيار
يارب نور بصيرتى وزيدنى من الانوار
بنور حبيبك محمد وهو جوه الغار
نجيته يارب هو وصاحبه من الكفار
يارب نجينى دايما فى الدنيا من الأشرار
واجعل ختام أعمالى فى الدنيا حسن اختيار....

فكرت أحب..

فكرت أحب لقيت الحب مش ليا..
فكرت أفرح لقيت الفرحه مش ليا..
وعرفت انى اتعودت
على أحزان تجيب أحزان
وعرفت انى اتعودت
على قسوه وعلى حرمان
وعرفت انى اتعودت
خلاص على ظلم الزمان......

ياليل الحزن طولت معايا قوى
ياليل الفرح مش تيجى هنا شويه.
أحزانى طاغيه على أفراحى بالقوى
ودموعى نازله بتخطى على عنيا.
لو كنت أهرب من حياتى كلها
لو كنت أطير فى السما من غير جناح.
لو كنت أضحك على الليالى وأقولها
ان حياتى مليانه هنا وأفراح.

ساعتها بس هاقدر أعيش مرتاح..
ساعتها بس هالقى فى حياتى براح..
وأرتاح من الدنيا وما فيها ..
وأرتاح من الدنيا وبلا ويها..

غالى عليا...

غالى عليا ياروح قلبى يا عمرى..

غالى عليا وفداك عمرى يا عمرى..

فى حبك انت ضيعت انا كل عمرى..

ما انت ياعمرى والله حب عمرى..

لمست ايديك عندى بالدنيا ديا..

نظره عنيك أجمل حاجه فى عنيا..

ده انا قلبى ليك .. براحه عليه شويه..

لو أطول أجيك ونعيش ايام هنيه..

يالى فى حياتى ماشفت زى هواك..

أجمل ليالى العمر انا عشتها وياك..

لو غبت عنى مستحيل أنساك..

قلبى وحياتى وعمرى كله فداك..

عايش مافيش فى حياتى غير حبك..

نمت وصحيت باحلم بيوم قربك..

طيبه وحنين ماهو كل ده ف قلبك..

كل السنين ما تساوى يوم جنبك..

ما صعبتش عليك...

ما صعبتش عليك لما مشيت وسبتنى...
ما بكتش عنيك لما بعدت وجرحتنى...
قلبك قالك ايه لما جرحت حبيبه...
قالك ارجع ليه ولا امشى وسيبه...
قالك ابعد وخون ...
ولا ارجع وصون ...
ده مهما كان حبيبك وانت حبيبه..


وعيونى بتسألنى ...
فى بعدى هايفتكرنى..
ولا نصيبى هايكون النسيان..
دى روحى بتندهلك...
وقلبى بيشتاقلك ...
وأنا وياهم عاشق ولهان..
قلبك قالك ايه لما جرحت حبيبه ..
قالك ارجع ليه ولا امشى وسيبه..
قالك ابعد وخون ...
ولا ارجع وصون ...
ده مهما كان حبيبك وانت حبيبه


النوم فارق عنيه وراح ويا اللى راحوا..
سهران الليل أداوى فى قلبى من جراحه..
ارحم قلبى وتعالى والله هاصعب عليك..
انا نفسى مره أشوفك بس أطمن عليك..
لو هاتعاتب تعالى..
يا مخاصمنى تعالى..
لو فاكرنى تعالى..
لو حتى زعلان تعالى..
بعدك عنى استحاله..
ده انا قلبى كان بين ايديك.. وعمرى كان كله ليك..
وانا عمرى ماغلطت فيك.. صدقنى هاصعب عليك..
قلبك قالك ايه لما جرحت حبيبه..
قالك ارجع ليه ولا امشى وسيبه..
قالك ابعد وخون..
ولا ارجع وصون..
ده مهما كان حبيبك وانت حبيبه

رأس البر.. مصيف الغلابه؟

دايما يقولوا ان رأس البر ده مصيف الغلابه والحمد لله انه فبه مصيف يقدر محدود الدخل انه يصيف هو وأسرته زى باقى خلق الله وما يدفعش كتير..... الكلام ده يا جماعه غير صحيح بالمره!
انا من عاشقين رأس البر وكنت كل سنه لازم اروح انا واصدقائى ناخد عشه أسبوع نغير جو
واختلف الحال وكل واحد شاف مصلحته واتفرقنا و.......المهم
انا تقريبا بقالى سنتين ما دخلتش رأس البر قلت اروح بقى السنه دى يوم من نفسى
وبالفعل رحت انا وواحد صديقى علشان نأجر شمسيه وننزل البحر..ورحنا وكان ده الحوار اللى دار بينا وبين اللى بيأجر الشماسى......
سلام عليكم
وعليكم السلام شمسيه يا أستاذ
اه لو سمحت
..ومشينا معاه فتح لنا الشمسيه وفرد لنا كرسيين
عايز كام يا كابتن؟
خلى على حسابنا خالص والله
الله يخليك كام؟
..سكت شويه وبعدين قال..انا مش هاقولك خمسين هات اربعين وخلاص
وفى اللحظه دى حسيت انى فى مارينا او فى الساحل الشمالى
صديقى قاله..
اربعين جنيه بالمشاريب ولا ايه؟
رد عليه الشاب بتاع الشماسى قائلا..
يا استاذ هى دى الاسعار هنا انت ماجتش من زمان ولا ايه الاسعار بقت نار و............الخ
المهم دفعنا 30 جنيه بالعافيه وقعدنا نفكر هى دى رأس البر مصيف الغلابه
المهم طلبنا اتنين حاجه ساقعه الواحده بأربعه جنيه
ويابلاش والله
المهم قضينا اليوم وروحنا بس طلعنا بنتيجه وعرفنا ان.....
1 الغلبان فى البلد دى مالوش مكان
2 اللى ماعاهوش مايلزموش
3 الغلبان مابيشبعش غلب
وحسبى الله ونعم الوكيل فى اللى كان السبب

اهداء لواحده اتسرق موبايلها...

يا موبايلى حبيبى يا غالى
ياللى مسهرنى ليااالى
بعدك ولا كان على بالى
وعلى عينى تضيع ياموبايلى..
ياموبايلى ياروحى ياعينى
أخدوك والله على عينى
وأهو طار النوم من عينى
لما سرقوك يا موبايلى..
فى الحلم باشوف رناتك
وسمعت كمان ألوهاتك
وحياتك تيجى وحياتك
يا وحشنى قوى يا موبايلى..
يا موبايل مالهوش زى
ومافيش زيك فى الحى
فى بعادك قلت الأى
من قلقى عليك يا موبايلى..
ياموبايل كان جبار
أخدوك منى الأشرار
وانا قلبى مولع نار
نفسى أجيبك يا موبايلى..
دنيا مافيش فيها أمان
فيها غدر الانسان
وأنا شاحنه بعشره كماااااااان
اه يالهوى عليك يا موبايلى..
يا مصيبتى عليك يا موبايلى..

حبايبنا اعز الناس...

حبايبنا اعز الناس ...
حبايبنا قلوب من ماس ...
ولو ضاقت بنا الدنيا ...
قلوبهم كلها اخلاص ...

حبايبنا اعز الناس

حبايبنا غيابهم طال ...
وقلبى فى هواهم مال ...

وحالى من غيابهم حال ...
عايش غريب مابين الناس ...

حبايبنا اعز الناس

سلامى لهم جديد فى جديد ...
سلام بالقلب مش بالايد ...

ولو رحلوا وسافروا بعيد ...
فى قلبى مكان لكل الناس ...

حبايبنا اعز الناس

سلامى لهم اعز سلام ...
سلام وحنين وشوق وغرام ...

ولو غابوا شهور وأيام ...
فاكرهم..مش كلام وخلاص ...

حبايبنا اعز الناس

حلم....

انا كنت وحيد وراضى بقسمتى والنصيب
عايش لوحدى وفاضى ولا كانش ليا حبيب
لا بافكر فى اى حاجه ولاحتى فى اى حد
ولا اكلم اى شخص فى هزار او حتى جد
وان كان حد يجينى يسألنى فى أى حاجه
اعمل ما أعرفش لكن ..انا عارف كل حاجه
وفى مره كنت نايم وصحيت على منام
رأيت فيه بنت حلوه قالت لى احلى كلام
الشعر لون الليالى والصوت هديل الحمام
والرمش يدبح فى قلبى.. كفايه والله حرام
انا قلبى طار من ضلوعي وغرق فى بحر الغرام
وصحيت من النوم سعيد ..وحزين فى نفس الوقت
علشان ده كله حلم ...وضاعت احلى بنت

الدنيا دواره

الدنيا دواره مالهاش عزيز ولا غالى
يوم بتبقى فى الواطى ويوم بتبقى فى العالى
وتيجى تسألنى تقولى وانت ايه رايك ؟
ارد عليك واقولك...ياعم وانا مالى

كل واحد مننا فى الدنيا بياخد نصيبه
سواء ان كان فى خير او حتى شر بيصيبه
لو بس الناس بترضى بالقسمه والمكتوب
الهم راح يفارق ويسيبنا واحنا نسيبه